Aallaqqaasiut

Saqqummersitami matumani 2017-imiit 2021-mut pinerluttuliorsimanerit unnerluutigineqarsimasut aalajangiiffigineqarsimasullu sammineqarput. Pinerlunniartarneq pillugu kisitsisitigut paasissutissat unnerluussinermiit pasineqarnermut kiisalu aalajangiiffigineqarnermut immikkoortitersimapput.

 

Pinerluttulerinermi inatsimmik, angallannermik inatsimmik imaluunniit inatsisinik allanik unioqqutitsinerit kisitsisini tunngavigineqarput.

 

Unnerluussineq ataaseq tassaavoq pinerluuteqarsimasutut unnerluussineq ataaseq, unnerluussinermilu ataatsimi inuit arlallit unnerluutigineqarsinnaapput (unnerluussinermi ilanngunneqarsimasut ilaannai imaluunniit tamakkerlutik aalajangiiffigineqarsinnaallutik). Annertunerusumik paasissutissanut periaatsimut immikkoortoq atuaruk.

 

2021-mi unnerluussinerit katillugit 5.581-iusimapput, ukiup siulianut naleqqiullugit 7 pct.-inik ikileriarsimallutik.

Unnerluussinerit pinerluttulerinermi inatsimmi 3.885-iullutik, angallannermi inatsimmi 873-iullutik kiisalu inatsisini allani 823-nik amerlassuseqarlutik agguataarsimapput.

 

Unnerluussinerit pasineqarnermik kinguneqarsimasut amerlassusaanni angallannermi inatsimmik unioqqutitsinerit pasineqartut 85 pct.-iullutik annertunerpaapput, inatsisinik allanik unioqqutitsinerni pasineqartut 68 pct.-iusimallutik pinerluttulerinermi inatsimmi pasineqartut 56 pct.-iusimapput.

 

Pinerluuteqarsimanermi aalajangiiffigineqarsimasut pisuutinneqarlunilu eqqartuussaasimasut akornanni 15-iniik 24-nut ukiullit 29 pct.-inik annertussuseqarlutik amerlanerpaapput. 2021-milu inuusuttut 18-it tikillugit ukiullit pinerluuteqarsimasut 15-inik ukioqakkajunnerupput 27 pct.-inillu annertussuseqarlutik.